ڊيووس (پاکستان نیوزپوائنٹ25جنوری2018ء) وزيراعظم شاهد خاقان عباسي سان مشهور ڪاروباري گروپ ”ويون“ جيڪا پاڪستان ۾ ٽيليڪام خدمتون فراهم ڪندڙ مشهور ڪمپني ”جاز“ جي نالي سان فعال آهي، جي چيف ايگزيڪيٽو آفيسر جين ليس چارليئر عالمي اقتصادي فورم جي موقعي تي خميس ڏينهن هتي ملاقات ڪئي، انفارميشن ٽيڪنالاجي واري مملڪتي وزير انوشا رحمان، وزيراعظم جو خصوصي صلاحڪار علي جهانگير صديقي ۽ سينئر عملدار به ان موقعي تي موجود هئا. وزيراعظم پاڪستان ۾ ويون گروپ جي سيڙپڪاري، ڪارڪردگي ۽ ڪارپوريٽ سماجي ذميداري جي سرگرمين، قدرتي آفتن جي دوران امدادي ڪاررواين کي ساراهيو. هن ويون طرفان افرادي قوت جي تربيت ۾ گروپ جي سيڙپڪاري جي واکاڻ ڪندي لاڳاپيل پاڪستانين کي ترقي پسند ماحول ۾ ڪم جو موقعو فراهم ڪرڻ تي ان جو ٿورو ادا ڪيو، سي اي او ويون پاڪستان ۾ ويون جي سرگرمين ۾ سهولت پيدا ڪرڻ تي حڪومت جي مدد تي ٿورو ادا ڪندي ڊجيٽيلائيزيشن جي حوالي سان پاڪستان جي ڪامياب مهم کي واکاڻ جوڳو قرار ڏنو، هن چيو ته سندس جو گروپ موجوده حڪومت جي ڊجيٽل ويزن جي حمايت ڪري ٿو ۽ جدت رکندڙ عملي عملي جي ذريعي پاڪستان جي مدد جاري رکندو. ياد رهي ته ويون (جاز) پاڪستان ۾ ٽيلي ڪام خدمتون فراهم ڪندڙ سڀ کان وڏي ڪمپني آهي ۽ ان پاڪستان ۾ اربين ڊالر جي سيڙپڪاري ڪئي آهي.
وزيراعظم سان مشهور ڪاروباري گروپ ويون جي چيف ايگزيڪيٽو جي ملاقات
6 سال پھريان
