ملتان ریلوے سٹیشن اُتے فلمی سین بن گیا، شوہر نے سینکڑیاں لوکاں ساہمنے بیوی نوں منا لیا

ملتان(پاکستان پوائنٹ نیوز12۔اپریل2018ء) ملتان ریلوے سٹیشن اُتے فلمی سین بن گیا، شوہر نے سینکڑیاں لوکاں ساہمنے رُسی بیوی نوں ٹرین توں لاہ کے منا لیا۔ تفصیل مطابق بیویاں نوں منانا عام طور اُتے اوکھا منیا جاندا اے پر ریلوے سٹیشن اُتے اک فلمی سین اودوں ویکھن نوں ملیا جدوں خاوند نے رُسی بیوی نوں سینکڑیاں لوکاں ساہمنے منالیا۔ رُسی بیو ی نے جدوں پیکے گھر جان لئی کراچی دا ٹکٹ کٹوایا تے شوہر وی رُسی بیوی نوں منان لئی اوہدے پچھے دوڑدا اپڑ گیا۔ شوہر نے بیوی نوں ٹرین توں لاہ لیا۔ منظر ویکھ کے ریلوے سٹیشن اُتے موجود پولیس اہلکاراں نے وچ پے کے صلح کروائی تے آخر رُسی بیوی خاوند نال واپس سوہرے گھر جان نوں تیار ہو گئی۔