اسلام آباد(پاکستان پوائنٹ نیوز15۔دسمبر۔2018ء) ٹریفک پولیس نے ٹریفک قانون دی خلاف ورزی اُتے شہریاں دے چالان تے اوہناں نوں جرمانے وی کیتے پر ہن ٹریفک اہلکاراں نے چنگی ڈرائیونگ کرن والے بندیاں نوں انعام دین دا اعلان کیتا اے۔ تفصیل دے مطابق وزیر مملکت برائے داخلا شہریار آفریدی نے گڈ سیٹیزن پٹرول ٹیم دا افتتاح کر دتا۔ پٹرولینگ وفاقی راجدھانی اسلام آباد وچ ڈرائیورز اُتے نظر رکھے گی۔
اسلام آباد وچ ٹریفک قانون دی پابندی کرن والیاں نوں انعام دتا جائے گا۔ ایس پی ٹریفک پولیس نے دسیا کہ ایس فیصلے نال مثبت تاثر دین دی کوشش کیتی جا رہی اے۔ ایس فیصلے نال شہریاں دی ایہ غلط فہمی وی دور ہوجائے گی کہ پولیس صرف سزا ای دے سکدی اے۔ ہن شہریاں نوں پتا ہوئے گا کہ چنگے کم اُتے پولیس جزا وی دے سکدی اے۔ اسیں چاہنے آں کہ چنگی ڈرائیونگ اُتے شہریاں نوں دسیئے کہ تُسیں چنگا کم کر رہے او ، ایہدے نال اوہناں دی حوصلا افزائی ہوئے گی۔
