پکھی واس نے پُتر دی وڈی خاہش پوری کر دتی

پکھی واس نے پُتر دی وڈی خاہش پوری کر دتی

گجرات(پاکستان پوائنٹ نیوز16۔اپریل2018ء) اپنے بالاں دے ویاہ اُتے اوہناں دیاں خاہشاں پوریاں کرنا ہر کسے دا خاب ہوندا اے پر گجرات توں تعلق رکھن والے اک پکھی واس نے اپنے پُتر دی وڈی خاہش پوری کر کے اوہدے ویاہ نوں یادگار بنا دتا۔تفصیل مطابق گجرات دے پکھی واس گوگا نامی اک بندے نے اپنے پُتر محسن دے ویاہ اُتے مہنگی گڈی کرائے اُتے لئی۔ ایہو نہیں محسن دی مہندی اُتے کئی گلوکاراں نوں وی سدیا گیاجیہناں نے تقریب وچ اپنیاں آوازاں دے جادو جگائے۔

گوگے نے اپنے لاڑھے بنے پُتر محسن تے اوہدے بیلیاں لئی لیموزین گڈی دا انتظام کیتا جدکہ ہور باراتی وی لگژری گڈیاں وچ جنج لے کے گئے۔ جنج وچ لاڑھے دے بیلیاں نے نوٹ سُٹے ۔ ایس توں وکھ لاڑھا، لاڑھی دے گھر ویاہ اُتے آن والے پروہنیاں نوں چینی تے دیسی گھیو تحفے دے طور اُتے دتا گیا۔