رام اللہ( پاکستان پوائنٹ نیوز23۔جون2018ء ) اسرائیلی ماہرین آثار قدیمہ نے مقبوضہ بیت المقدس وچ کھدائی دے دوران مسجد اقصی المبارک نال متصل سلوان قصبے توں اک مٹی نال بنی نِکی نایاب تختی دریافت کیتی اے،جیہدے اُتے عربی زبان وچ کُجھ لکھیا اے۔ ماہرین نے ایس حوالے نال آکھیا کہ ایہ مُہر نہیں ہو سکدی پر آس اے کہ ایہ کوئی تعویز اے جو اوس دور وچ تحفظ لئی لکھیا گیا۔
عرب ٹی وی مطابق اسرائیل دے اک ماہر آثار قدیمہ دا کہنا سی کہ مٹی نال بنایا گیا ایہ ٹکڑا اک سینٹی میٹر دا اے، ایہدے اُتے عربی زبان وچ لکھیا کُجھ ویکھیا جا سکدا اے۔ پہلی لائن وچ کریم یتکل علی اللہ تے دوجی لائن وچ اللہ رب العالمین لکھیا اے۔ ماہرین دا کہنا سی کہ ایہ ویکھن نوں کسے لکھت دا حصہ یاں مُہر نہیں لگدی بلکہ ایہ عباسی دور وچ لکھیا گیا کوئی تعویز اے کیونکہ اوس دور وچ ایس خطے اندر تعویذ گنڈے دا کلچر عام سی تے ایہ تقریبن اک ہزار سال پرانا تعویز اے۔
