سوانی اُتے تشدد کرن والے نوجوان دا موقف وی ساہمنے آ گیا

میری ویڈیو نوں ایڈیٹ کر کے وائرل کیتا گیا، ایہناں کُڑیاں نے میرے کولوں 28لکھ رُپئے لئے نیں:ملزم واصف عباسی دا ویڈیو بیان

سوانی اُتے تشدد کرن والے نوجوان دا موقف وی ساہمنے آ گیا
 میری ویڈیو نوں ایڈیٹ کر کے وائرل کیتا گیا، ایہناں کُڑیاں نے میرے کولوں 28لکھ رُپئے لئے نیں:ملزم واصف عباسی دا ویڈیو بیان

راولپنڈی(پاکستان پوائنٹ نیوز15۔دسمبر۔2018ء) سوانی اُتے تشدد دی اک ویڈیو سوشل میڈیا اُتے وائرل ہوئی اے ۔ ویڈیو نوں ویکھ کے لوکاں ولوں غصے دا اظہار وی کیتا جا رہیا اے۔ تفصیل دے مطابق میڈیا رپورٹس وچ دسیا گیا اے کہ اسلام آباد وچ سوانی اُتے تشدد دی ویڈیو سوشل میڈیا اُتے وائرل ہون تے پولیس ولوں ایکشن لِتے جان مگروں سوانی اُتے تشدد کرنو الے نوجوان واصف عباسی دا موقف وی ساہمنے آیا ے۔

اپنے ویڈیو بیان وچ واصف دا آکھنا سی کہ میری ویڈیو نوں ایڈیٹ کر کے وائرل کیتا گیا۔ ایہناں کُڑیاں نے میرے کولوں 28لکھ رُپئے لئے نیں ۔ جس دن میرے اُتے ایف آئی آر درج ہوئی اوسے دن میں چین آیا۔ نوجوان نے آکھیا کہ ایف آئی آر بد نیتی اُتے مبنی اے۔ کُڑیاں نے میرے پیسے کھادے نیں جدوں میں پیسیاں دی ڈیمانڈ کیتی تے بلیک میلنگ شروع کر دتی گئی ۔ ملزم نے کُڑیاں اُتے الزام لایا کہ ایہ گروپ مُنڈیاں کولوں پیسے لے کے بلیک میل کردا اے۔

دوجے پاسے پستول دے زور اُتے کُڑی اُتے تشدد کرن، گالھاں کڈھن تے کُڑی نوں بلیک میل کرن والا راولپنڈی دا واسی واصف بدنام گینگسٹر نکلیا۔وسیلیاں نے دسیا کہ سوشل میڈیا اُتے وائرل ہون مگروں معاملے نوں چُکیا گیا تے ملزم واصف عباسی چین فرار ہو گیا۔ جڑواں شہراں دی پولیس ملزم نوں پھڑن وچ اجے تیکر ناکام رہی اے۔ایس گینگ دے ہور ارکان وچ نصیر عرف ہنی کلر، وقاص عرف قصی ٹائیگر تے ابوبکر عرف تن سو دو شامل نیں۔

وسیلیاں نے دسیا کہ تِنوں ملزم راولپنڈی تے اسلام آباد وچ کئی سرگرمیاں وچ ملوث نیں۔ کُجھ چِر پہلاں ایس گینگ دے کُجھ ارکان نے وکیلاں اُتے وی حملا کیتا سی جیہدا مقدمہ نمبر 318/18وی درج ہویا۔ ایس حملے وچ وکیل ڈاڈھے زخمی ہوئے سن پر مقدمہ درج ہون مگروں ملزماں خلاف کوئی کارروائی نہیں کیتی گئی سی۔ سوشل میڈیا اُتے وائرل ہون والی ویڈیو وچ سوانی اُتے تشدد کرن والے نوجوان دا ناں واصف عباسی اے جو راولپنڈی دا رہائشی تے عمیر پلازے وچ موبائل دی دُکان چلا رہیا اے۔ دوجے پاسے زارش جمشید دی مدعیت و چ تھانا رمنا وچ ملزم خلاف مقدمہ درج کر لیا گیا اے۔