لاہور( پاکستان پوائنٹ نیوز02۔جون2018ء ) اک ہوائی جہاز نوں اوہدے وچ موجود مسافر توں آن والی خوفناک بُو دی وجہ توں ہنگامی لینڈنگ کرنی پئی۔ مسافر توں آن والی بُو نال بہت سارے لوکاں نوں اُلٹیاں آئیاں ،جیہناں وچوں کئی مسافر غش کھا کے ڈِ گ پئے۔ ایہ واقعہ ہالینڈ وچ ٹرانسیویا ائر لائن دی شائپول ہوائی اڈے توں گران کینیریا، سپین جان والی اُڈان وچ پیش آیا۔
مسافر دی بو نال دوجے مسافراں دی حالت خراب ہوئی تے اُڈان نوں پرتگال دے شہر فارو وچ ہنگامی طور اُتے لاہ لیا گیا۔ جہاز دے عملے نے بُو والے مسافر نوں ٹوائلٹ وچ بند کرن دی کوشش کیتی پر اوہناں دی ایہ کوشش ناکام ثابت ہوئی۔ جہاز دے لتھن مگروں ڈاکٹری عملے نے مسافر نوں ہسپتال منتقل کر دتا۔ ویکھن نوں لگدا اے کہ ایہ بُو کسے بیماری دی بجائے مسافر دے لمے چِر نہ نہ نہان دی وجہ توں آ رہی سی۔
