بھارت(پاکستان پوائنٹ نیوز01۔مارچ2018ء) ووہٹی نے گنجے لاڑے نال ویاہ کرن توں انکار کر دتا۔ بھارتی میڈیا رپورٹ مطابق اک بھارتی ووہٹی نے بیورولوجسٹ لاڑے نال صرف ایس لئی ویاہ کرن توں انکار کر دتا کہ اوہ گنجا سی۔ بھارتی ریاست بہار وچ ڈاکٹر روی کمار نوں اپنے ای ویاہ وچ کسے ہور کُڑی نال ویاہ کرنا پیا۔ ویاہ دی تقریب وچ سبھ کُجھ منصوبے دے تحت ہو رہیا سی کہ ووہٹی نے ویاہ دا آخری پھیرا لیندے ہوئے مُنڈے دی پگڑی لا دتی تے ویکھیا کہ مُنڈے دے سیر اُتے وال ای نہیں نیں جیہدے تے اوہنے ویاہ توں انکار کر دتا۔
دوویں خانداناں نے کُڑی نوں منان دی بار بار کوشش کیتی پر اوہ اپنے فیصلے تے قائم رہے۔ عینی شاہد مطابق کُڑی دا کہنا سی کہ کسے وی قیمت اُتے میں اک گنجے بندے نال ویاہ نہیں کراں گی۔ مُنڈے دے گھر والیاں نے اپنے پُتر لئی اوسے پنڈ دی اک کُڑی نوں لبھ کے مقامی مندر وچ دوواں دا ویاہ کروا دتا۔
