دبئی(پاکستان پوائنٹ نیوز07۔مارچ2018ء) بھارتی شہری گھر بیٹھے بیٹھے ارب پتی بن گیا۔ تفصیل مطابق بھارتی ریاست کیرالا دے اک واسی نے اپنی قسمت آزماندے ہوئے دبئی دی آن لائن ارب پتی (Dubai Duty Free Millennnium Millionnaire promotion online)قرعہ انازی دا ٹکٹ لیا۔ پربن تھامس نے خلیج ٹائمز دی بنگلور توں آئی فون کال اُتے دسیا کہ اوہنے پہلی وار ایس قرعہ اندازی وچ حصہ لیا سی تے جدوں اوہنوں فون آیا کہ اوہ ایہ ٹکٹ جِت گیا اے تے اوہنوں یقین نہیں آیا۔
پربن تھامس دا کہنا سی کہ مینوں لگا شاید کوئی میرے نال مذاق کر رہیا اے، جیہدے اُتے میں آن لائن جا کے جِتن والے بندیاں دی لسٹ وچ اپنا ناں ویکھیا تے فیر مینوں یقین آیا۔ تھامس دا کہنا سی کہ اوہ بھارت وچ ضرور قرعہ اندازی دا ٹکٹ مُل لیندا سی پر اوہ کدی نہیں جِتیا۔ خلیج ٹائمز نے جدوں اوہدے کولوں پُچھیا کہ اوہ اینے سارے پیسیاں دا کیہ کرے گا تے پربن تھامس دا کہنا سی کہ اوہ اپنے کاروبار وچ ایہ پیسے لائے گا تے ایہو میری پہلی خاہش اے۔ خلیج ٹائمز نے ہور پُچھیا کہ کیہ تُسیں ایہناں پیسیاں نال دنیا دا سفر نہیں کرو گے؟ جواب وچ پربن تھامس دا کہنا سی کہ ایس طرحاں دا میرا کوئی اراداہ نہیں اے۔
