جُتیاں پالش کرکے روز 1لکھ رُپئے کمان والا بندہ

جُتیاں پالش کرکے روز 1لکھ رُپئے کمان والا بندہ

نیویارک(پاکستان پوائنٹ نیوز28۔فروری2018ء) امریکا دے شہر نیویارک وچ جُتیاں پالش کر کے روز 900ڈالر کمان والا بندہ ساہمنے آیا اے۔ میڈیا رپورٹس مطابق امریکا دے شہر نیویارک وچ ڈان وارڈ نامی شہری جُتیاں پالش کر کے روز 900ڈالر کما لیندا اے۔ ڈان وارڈ نامی بندہ نیویارک وچ جُتیاں پالش کرن توں وکھ لوکاں نوں ہساندا وی اے۔ ڈان وارڈ روز سویرے 47سٹریٹ تے 6ایونیو اپڑ جاندا اے، وارڈ اوتھے لوکاں نوں لطیفے سُناندا اے جیہدی وجہ توں لوک اوہدے کولوں خشی خشی نال جُتیاں پالش کروا لیندے نیں۔ ڈان وارڈ ایس توں پہلاں اک فوٹ لیب وچ نوکری کردا سی۔ وارڈ نے اوہ کم چھڈ کے جُتیاں پالش کرنیاں شروع کر دتیاں تے ہن اوہ جُتیاں پالش کر کے روز 900ڈالر کما لیندا اے۔ جو پاکستانی تقریبن 1لکھ رُپئے بندے نیں۔ وارڈ دی کمائی وچ دن بدن وادھا ہو رہیا اے۔