پوتے پوتریاں نے 20سال پہلاں وکھ ہون والے دادے دادی نوں فیر ملا دتا

منڈی بہاؤالدین(پاکستان پوائنٹ نیوز26۔فروری2018ء) منڈی بہاؤالدین وچ پوتے پُوتریاں نے 20سال پہلاں وچھڑن والے دادی ، دادے نوں فیر ملا دتا۔ تفصیل مطابق 20ورھے پہلاں بابا بشیر احمد تے رحمت بی بی وکھ ہو گئے سن۔ تفصیل مطابق منڈی بہاؤ الدین وچ 85ورھیاں دے بابا نے 70ورھیاں دی مائی نال ویاہ کر لیا اے۔ 20سال پہلاں بابا بشیر تے رحمت بی بی وچکار طلاق ہو گئی سی۔ پر 20سال مگروں پوترے پُوتریاں نے دادی دادے نوں ملا دتا اے۔ 85ورھیاں دے بشیر دی جنج اک وار فیر بڑی دھم دھام نال لیاندی گئی۔ ویاہ وچ آن والے لوکاں نے بڑے بھنگڑے پائے۔ میڈیا رپورٹس مطابق 20سال پہلاں بابا بشیر تے رحمت بی بی وچکار جھیڑا ہویا تے دوواں نے اک دوجے توں وکھ ہون دا فیصلا کیتا۔ جہدے مگروں رحمت بی بی نے دوجا ویاہ کر لیا پر دوجا شوہر مر گیا ۔ دوجے شوہر دے مرن اُتے پوتے پُوتریاں نے رحمت بی بی تے بشیر دا ویاہ کروا دتا۔