ویاہ دی تقریب وچ لاڑے دا والد نشے وچ دھت، دُلہن نال زبردستی دی کوشش

چین(پاکستان پوائنٹ نیوز26۔فروری2018ء) کُجھ دن پہلے چینی سوشل میڈیا اُتے اک ویڈیو وائرل ہوئی ، ویڈیو وچ ویکھیا گیا کہ اک ویاہ دی تقریب وچ لاڑے دے والد نے نشے وچ دُھت ہوکے اپنے پُتر دی بیوی نال ای زور زبردستی شروع کر دتی۔ ویڈیو وچ ویکھیا گیا کہ لاڑے دا والد نشے وچ سی، نشے دی حالت وچ اوہنے دُلہن نوں پھڑ لیا تے چُمن دی کوشش کیتی۔ دُلہن نے اپنے سوہرے دے گھیرے توں بچن دی بہت کوشش کیتی پر سوہرے نے اوہنوں اینی زور نال پھڑیا ہویا سی کہ اوہ چاہندے ہوئے وی اپنے آپ نوں نہ چھڈوا سکی۔ ایہ منظر ویکھ کے دُلہن دے گھر والے سٹیج ول نسے تے لاڑے دے والد نوں کھریاں کھریاں سُنائیاں۔ چینی میڈیا مطابق ایہدے مگروں دُلہن دے گھر والے اپنی دھی نوں اپنے نال ای لے گئے۔