مانسہرہ(پاکستان پوائنٹ نیوز29۔ستمبر2017ء) خیبرپختونخواہ دے ضلع مانسہرہ وچ مردہ سمجھ کے دفنایا جان والا بندہ چار دناں پچھوں پرت دے گھر آ گیا۔ تفصیل مطابق مانسہرہ وچ بفہ ہسپتال نیڑے اک نشئی دی لاش ملی جہدی شناخت محمد رفیق دے ناں توں ہوئی۔ محمد رفیق اپنے بھراواں نال جھیڑے مگروں گھروں غائب ہو گیا سی ۔ محمد رفیق دی میت گھر پہنچی تے گھر وچ سوگ نے ڈیرے لا لئے۔
محمد رفیق دے وارثاں نے اوہنوں پورے اعزاز نال دفن کیتا پر صورتحال اوس ویلے ڈاڈھی دلچسپ ہو گئی جدوں محمد رفیق میت دی تدفین دے چار دن بعد گھر اپڑ گیا۔ رفیق دا کہنا سی کہ اوہ راولپنڈی وچ اک رشتے دار دے گھر رہ رہیا سی۔ محمد رفیق دے گھر واپس آن اُتے اوہدا گھر خشیاں دا مرکز بن گیا۔ محمد رفیق دے گھر والیاں نے اوہدی واپسی دی اطلاع تھانہ بفہ وچ کر دتی تاں جے دفن کیتی گئی میت دے وارثاں دی بھال جاری رکھی جا سکے۔
