راتوں رات 2.8ارب ڈالر کمان والے ’علی بابا‘ دے بانی جیک ما دا اندازا اے کہ 2036تک ’علی بابا‘ دنیا دی 5ویں وڈی معیشت ہووے گی۔ تفصیل مطابق ہانگزہو ، چین وچ علی بابا دے ہیڈ کوارٹر اندر سرمایا کاراں نال گل بات کردے ہوئے اوہناں نے آکھیا کمپنی دو ارب ورتیندڑاں دی خدمت کر سکدی اے، جو دنیا دی آبادی دا ک تہائی اے۔ جے کمپنی 10کروڑ ملازمت دے موقعے پیدا کر سکی، جو کئی حکومتاں توں ودھ اے۔
جے کمپنی اک کروڑ کاروباری اداریاں دے منافعے دی وجہ اے تے ایہ معیشت اکھوائے گی۔ ایس ویلے علی بابا دنیا دی 22ویں وڈی معیشت اے جہدا نمبر ارجنٹائن مگروں اے۔ کمپنی دا کہنا اے کہ 2020تک کمپنی دی تجارت دا کھلار 1ٹریلین ہو جائے گا جو انڈونیشیا توں وی ودھ ہوئے گا۔ دنیا دی 5ویں وڈی معیشت بنن لئی علی بابا نوں جرمنی، برطانیا، فرانس تے بھارت ورگیاں معیشتاں نال مقابلا کرن پئے گا جو آسان کم نہیں۔ چیتے رہوے کہ علی بابا دے بانی نے اک ٹی وی انٹرویو وچ آکھیا سی کہ علی بابا دا قیام اوہناں دی زندگی دی سبھ توں وڈی غلطی اے۔
