ہوائی جہازاں دی دم وچ اک نِکا جہیا خفیہ انجن وی لُکیا ہوندا اے پر اوہدا مقصد نِکا نہیں ہوندا

ہوائی جہازاں دی دم وچ اک نِکا جہیا خفیہ انجن وی لُکیا ہوندا اے پر اوہدا مقصد نِکا نہیں ہوندا

کسے وی درمیانے جہاز نوں تُسیں ویکھو تے اوہدی دم وچ اک سوارخ نظر آئے گا۔ اوہنوں معاون پاور یونٹ آکھیا جاندا اے۔ ایہ جہاز دا سبھ توں نِکا انجن ہوندا اے پر ایہدا مقصد نِکا نہیں ہوندا۔ ایہ انجن جہاز دے مرکزی انجن نوں چلان تے زمین توں اُتانہ اُڈان لئی پاور دیندا اے۔ جے اے پی یو نہ ہوئے تے جہاز وچ اینی انرجی نہ ہوئے کہ اوہ جہاز دے زمین انجن نوں چلا سکے۔ پارک کیتے ہوئے جہاز دے مین انجن نوں چلن لئی بُہتی طاقت چاہیدی ہوندی اے۔ اوہنوں شروع وچ تھوڑی جہی طاقت دین لئی اے پی یو ورتیا جاندا اے۔ ایہدے مگروں جدوں جہاز اُڈن لئی رن وے اُتے آﺅندا تے اے پی یو بند ہو جاندا اے تے مین انجن سارا کم سنبھال لیندا اے۔