کراچی: پی آئی اے جہاز وچ بنائے گئے ریسٹورنٹ دے دور دور تک چرچے

کراچی(پاکستان پوائنٹ نیوز31۔مئی2017ء) شہر قائد وچ پی آئی اے دے اک پرانے جہاز وچ ریسٹورنٹ بنا دتا گیا اے جہدے پورے شہر وچ چرچے نیں۔ تفصیل مطابق پی آئی اے دے ایس پرانے جہاز نوں ائر پورٹ سکیورٹی سٹاف (اے ایس ایف) نے اک ریسٹورنٹ وچ بدلیا۔ پی آئی اے دے نہ ورتے جان والے جہاز 747نوں جناح انٹرنیشنل ائر پورٹ دے پرانے علاقے ول لیجا کے ریسٹورنٹ بنا دتا گیا اے۔ اے ایس ایف دے عملے نے پورے جہاز دی ایس طرحاں تجدید کیتی کہ ہن ایہ جہاز کسے مہنگے ریسٹورنٹ وچ بدل گیا اے۔ جہاز دی نویں ڈیکوریشن نے ایس جہاز نوں اک نویں شکل دے دتی اے۔ پاکستان وچ ایہ پہلی وار اے کہ کسے جہاز نوں اک ریسٹورنٹ وچ بدلیا گیا ہووے ۔