پاکستان دی روبن ہڈ آرمی: کھانے نوں ضائع ہون توں روکن تے بھکھیاں نوں روٹی کھوان وچ اگے اگے

پاکستان دی روبن ہڈ آرمی: کھانے نوں ضائع ہون توں روکن تے بھکھیاں نوں روٹی کھوان وچ اگے اگے

کراچی(پاکستان پوائنٹ نیوز01۔جون2017ء) شہر قائد وچ روبن ہڈ دے ناں توں نوجواناں دی اک آرمی نے ڈادھی مقبولیت حاصل کر لئی اے۔ تفصیل مطابق ایس آرمی دا کم کھانا ضائع ہون توں روکنا تے بھکھیاں نوں روٹی کھوانا اے۔ روبن ہڈ آرمی ریسٹورنٹس توں کھانا لے کے غریباں وچ ونڈدی اے ۔ ایس ٹیم وچ کم کرن والے اک نوجوان نے دسیا کہ ساڈا مقصد کھانے نوں ضائع ہون توں بچانا اے۔

علی احمد نے آکھیا کہ ایس مقصد وچ کئی ریسٹورنٹس ساڈی مدد کر رہے نیں۔ 16ریسٹورنٹس سانوں روز دی بنیاد اُتے کھانا دیندے نیں جہنوں اسیں کچی آبادی وچ رہن والے غریباں اندر ونڈدے آں۔ روبن ہڈ نامی ایہ آرمی ہر ہفتے کراچی بھر دا دورا کر کے ممکنہ طور اُتے ضائع کیتے جان والے کھانے نوں اکٹھا کردی اے تے جھگیاں وچ وسن والے بندیاں وچ ونڈدی اے۔ اجیہے علاقیاں وچ رہن والے شہریاں دا کہنا اے کہ اسیں اوہناں لوکاں دے مشکور آں جو ساڈے بالاں نوں ڈھڈ بھر کے کھانا کھوا جاندے نیں۔ روبن ہڈ آرمی دی نینہ 2015وچ رکھی گئی جو ہن 7ملکاں وچ کھلر گئی اے۔