لاہور(پاکستان پوائنٹ نیوز27۔مئی2017ء) رمضان دے مہینے لئی اک کلینک دے اُچیچے ڈسکاﺅنٹ دے سوشل میڈیا اُتے چرچے۔تفصیل مطابق سوشل میڈیا اُتے اک تصویر نے ورتیندڑاں دی توجہ اپنے ول کروا لئی اے۔ ایہ تصویر شاید کسے کلینک تے لگی اک رمضان آفر دی اے۔ ایس تصویر وچ ویکھیا گیا کہ کسے کلینک دے باہر ’رمضان آفر‘ دے سرناویں ہیٹھ اک اعلان کیتا گیا سی۔ جہدے اُتے لکھیا گیا سی کہ پہلی توں 30ویں روزے تک وڈے آپریشن دے فیس 12ہزار جدکہ نارمل ڈیلیوری دی فیس 4500دوائیاں سنے ہووے گی۔
ایس اعلان مطابق ایہ اُچیچا ڈسکاﺅنٹ رمضان دی آمد کارن دتا گیا اے۔ ایس تصویر نوں سوشل میڈیا اُتے بہت پسند کیتا جا رہیا اے۔ سوشل میڈیا ورتیندڑاں نے جتھے ذکر کیتے گئے اشتہار دا مذاق اُڈایا اے اوتھے کُجھ ورتیندڑاں نے ایس کم نوں سلاہیا وی اے۔
