(پاکستان پوائنٹ نیوز16۔مئی2017ء) چالو ٹیکنالوجی دے دور وچ سبھ توں وڈی مشکل اودوں ہوندی اے جدوں تہاڈے موبائل، لیپ ٹاپ یاںٹیبلٹ دی بیٹری ڈاﺅن ہو جائے تے تہاڈے کول اوہنوں چارج کر ن دا کوئی وی راہ نہ ہوئے۔ پر ورتیندڑاں دی ایس اوکڑ نوں مُکھ رکھدے ہوئے اک اجیہی ڈیوائس متعارف کروائی گئی اے جو بغیر بجلی دے تہاڈے فون یاں کسے وی ڈیوائس نوں ہمیشہ لئی چارج رکھ سکدی اے۔
ایس بینڈ پاور چارجر دی مدد نال تُسیں کسے وی شے دی بیٹری ختم ہون دی مشکل نال دوچار نہیں ہوو گے۔ ہتھ نوں گھمان نال اک میکنیکل انرجی پیدا ہوندی اے، ہتھ گھمان دی حرکت ڈیوائس وچ موجود گائرو سکاپ نوں متحرک کر کے اوہنوں الیکٹرک انرجی وچ منتقل کر دیندی اے۔ ایس ڈیوائس توں حاصل ہون والی ایس انرجی نال ہن تُسیں اپنے سمارٹ فون سنے کوئی وی الیکٹرک ڈیوائس چارج کر سکدے او۔ ذکر کیتی گئی ڈیوائس دی مدد نال چارجنگ دا عمل معمول دے مطابق ای ہوندا اے پر آپ ڈیوائس اک گھنٹے وچ پوری چارج ہوندی اے۔
