نوجوان کُڑی گن پوائنٹ اُتے بوائے فرینڈ نوں اوہدے ویاہ دی تقریب توں لے اُڈی

کانپور(پاکستان پوائنٹ نیوز17۔مئی2017ء) بھارتی شہر کانپور وچ اک نوجوان کُڑی نے اپنے بوائے فرینڈ نوں اوہدی ویاہ دی تقریب دوران گن پوائنٹ اُتے اغوا کر لیا۔ پولیس دا کہنا اے کہ اغوا ہون والا نوجوان مُنڈا اشوک یادیو ڈاکٹر دے کلینک اُتے کمپاﺅنڈر دی نوکری کردا سی جو اوتھے کم کرن والی اک کُڑی نال پیار کر بیٹھا، پر مسئلا اودوں شروع ہویا جدوں اشوک دی منگنی کیتے ہور ہوئی تے منگنی دی تقریب مگروں ای اشوک نے اپنی گرل فرینڈ دا فون سُننا تے اوہدے میسج دا جواب دینا بند کر دتا۔ اشوک دے ویاہ دی تقریب وچ نوجوان کُڑی اپنے نال کُجھ لوک لے کے ہتھ وچ پستول پھڑی آئی تے اپنے بوائے فرینڈ نوں اغوا کر کے لے اُڈی۔