حیدر آباد(پاکستان پوائنٹ نیوز09۔مئی2017ء) پچھلے دنا ای سوشل میڈیا اُتے اک تصویر وائرل ہوئی۔ وائرل ہوئی تصویر بارے دسیا گیا کہ ایہ تصویر حیدر آباد دے اک علاقے وچ رات ویلے کوٹھی اُتے بیٹھی اک چڑیل دی اے۔ ویکھن وچ ایہ تصویر نِکی بالڑی دے بھوت دی لگدی اے۔ ایس تصویر دے سوشل میڈیا اُتے وائرل ہون دا اندازا ایس گل توں لایا جا سکدا اے کہ پاکستانی گلوکار فاخر محمود نے وی اپنے فیس بک پیج اُتے ایہ تصویر پوسٹ کر کے اپنے چاہیواناں نوں ایس تصویر دے اصلی یاں جعلی ہون بارے پُچھیا۔
سوشل میڈیا ورتیندڑاں ولوں کُجھ نے ایس تصویر دا مذاق اُڈاندے ہوئے آکھیا کہ چڑیل نوں پتا سی کہ اوہدی تصویر بنائی جا رہیا اے تے اوہ آرام نال بِہ کے کیمرے ول ویکھدی رہی۔ کجھ لوکاں نے ذکر کیتی گئی تصویر نوں بے گھر بالڑی دی آکھیا جو کسے کوٹھے اُتے پناہ لے کے بیٹھی اے۔ ایہ گل سچ اے کہ بھوت پریت دا وجود اے۔ پر کُجھ لوکاں دی نظر وچ ایہ اک عجیب سوچ اے پر جتھوں تک ایس تصویر دے اصلی یاں جعلی ہون دا سوال اے، ایس حوالے نال تصویر لین والے یاں اوتھے موجود لوک ای بہتر دس سکدے نیں۔
