نویں دِلی(پاکستان پوائنٹ نیوز08۔مئی2017ء) قوم پرست ہندو تنظیم ’راشٹریہ سویم سیوک سنگھ‘ (آر ایس ایس) نال جُڑے اک میڈیکل گروپ دا دعوا اے کہ اوہنے اک نواں طریقا لبھ لیا اے جہدے راہیں کالے ماں پیو گورے بال پیدا کر سکدے نیں۔ بھارتی ٹی وی دے مطابق آر ایس ایس نال جُڑے میڈیکل گروپ آروگیا بھارتی نے دعوا کیتا اے کہ اوہ ماں پیو جو کالے نیں، جہناںدا رنگ صاف نہیں جے اوہ اوہناں دی ورکشاپ وچ رلت کرن گے تے اوہناںد ے ہون والے بال گورے ہو سکدے نیں۔
ایس سلسلے وچ کولکتہ ہائی کورٹ نے وی آروگیا بھارتی گروپ نوں ایس گل دی اجازت دے دتی اے کہ اوہ گورے تے لمے قد والے بالاں دی پیدائش دے طریقیاں توں آگاہی لئی پروگرام چلا سکدا اے پر اوہنوں ایس سلسلے وچ سخت شرطاں اُتے عمل کردے ہوئے ایہ سارا کُجھ کرنا پئے گا۔ کولکتہ وچ ہون والی ایس ورکشاپ وچ اولاد دے خاہش مند جوڑیاں نوں سوسنتان یاںسپربے بی حاصل کرن لئی پرانے نسخے دسے جان گے۔
