فاٹا(پاکستان پوائنٹ نیوز03۔مئی2017ء) فاٹا توں تعلق رکھن والے اک بریانی ویچن والے نوجوان دی مہینہ وار آمدن 10ملین تک جا پہنچی۔ تفصیل دے مطابق عبدالولی نامی ایس نوجوان دا تعلق فاٹا دے اک غریب خاندان توں اے۔ جس عمر وچ دوجے بال سکول جاندے نیں، عبدالولی اوس عمر وچ میک اپ دا سامان ویچدا سی۔ عبدالولی نے فیر بریانی ویچنی شروع کیتی تے اوہدے توں ہون والی کمائی جمع کر کے اوہناں پیسیاں نال اک موبائل لیا۔
جتھوں عبدالولی نے آئن لائن پیسے کمان دا طریقا سکھیا۔ عبدالولی انٹرنیشنل کمپنی وچ udemyاُتے سبھ توں سینئر معلم دے طور اُتے کم کر رہیا اے۔ عبدالولی نے آئن لائن تعلیم دے کے مہینہ وار 10ملین رُپئے کمانے شروع کر دتے۔ عبدالولی ہن ولی ویب سائٹ (Waliwebsolution)دے چیف ایگزیکٹو افسر تے آن لائن اُستاد دا موڈھی اے۔ عبدالولی دی ایہ کامیابی اوہناں سارے نوجواناں لئی اک عملی نمونا اے جو اپنے وسائل دی کمی دا بہانا کر کے محنت توں گھبراندے نیں۔
