نویں دِلی(پاکستان پوائنٹ نیوز25۔مارچ2017ء) 12ورھیاں دا بھارتی منڈا نکی عمرے ای پیو بن گیا۔ تفصیل دے مطابق بھارتی ٹی وی چینل این ڈی ٹی وی دی اک رپورٹ دے مطابق بھارتی ریاست کیرالہ دا رہائشی اک 12ورھیاں دا مُنڈا نکی عمرے ای پیو بن گیا جدکہ اوہدی گھر والی دی عمر 16ورھے اے۔ نکے جوڑے دا تعلق کیرالہ دی راجدھانی توں دو سو کلو میٹر دور کوچی توں اے۔
پولیس نے دسیا کہ میڈیکل ٹیسٹ توں ایہ گل ثابت ہو گئی اے کہ 12ورھیاں دا منڈا ای دو مہینیاں دی بالڑی دا پیو اے۔ 12سال دامُنڈا 8ویں جماعت دا پڑھیار اے۔کُڑی مُنڈا آپسی وچ کزن تے گوانڈھی نیں۔ دوواں نے بھارت دے سبھ توں گھٹ عمر ماں پیو ہون دا اعتراز حاصل کر لیا اے۔ دوجے پاسے کُڑی دے گھر والیاں نے دو مہینیاں دی بالڑی نوں قبول کرن توں انکار کر دِتا جہدے مگروں نکی بالڑی نوں چائلڈ ویلفیئر کمیٹی دے حوالے کر دتا گیا اے۔ کُڑی نے الزام لایا اے کہ زیادتی دا نشانا بنایا گیا سی جہدے اُتے پولیس نے مقدما درج کیتا سی پر مُنڈے نے اپنے بیان وچ دسیا کہ ساڈا آپسی وچ تعلق سی جہدے اُتے پولیس نے نکی عمرے دے جوڑے خلاف مقدما درج کر لیا اے۔
