ملتان وچ ہون والے مہنگے ویاہ دے سوشل میڈیا اُتے چرچے

ملتان(پاکستان پوائنٹ نیوز25۔مارچ2017ء) سوشل میڈیا اُتے ملتان وچ ہون والے مہنگے ترین ویاہ دی ویڈیو وائرل ہو گئی اے۔ تفصیل دے مطابق ملتان وچ غلہ منڈی دے تاجر نے اپنے پُتر دا ویاہ بڑی دھوم دھام نال کیتا۔ شہر بھر وچ جہاز راہیں دعوتی کارڈ سُٹے گئے جدکہ جنج 8لیموزین گڈیاں وچ گئی۔ لاڑے نے سونے دا ہار وی پایا۔ سوشل میڈیا اُتے نعمان نامی منُڈے دے ویاہ دے بہت چرچے نیں۔ سوشل میڈیا ورتیندڑنے وی نعمان دے ویاہ دیاں رونقاں ویکھیاں۔کئی سوشل میڈیا ورتیندڑاں نے وادھو خرچا کرن اُتے ملتان دے تاجر نوں تنقید دا نشاناوی بنایا۔ سوشل میڈیا اُتے وائرل ہون والی ویڈیو تُسیں وی ویکھو!