پارليامينٽرين طور اسان جو فرض آهي ته عورتن جي خلاف زيادتي ۽ ٻين ڏوهن جي حوالي سان بهتر قانونسازي ڪئي وڃي: ماروي ميمڻ

اسلام آباد (پاکستان نیوز پوائنٹ 13جنوری2016ء) مملڪتي وزير ۽ بينظير انڪم سپورٽ پروگرام جي چيئرپرسن ماروي ميمڻ چيو آهي ته پارليامينٽرين طور اسان جو فرض آهي ته عورتن جي خلاف زيادتي ۽ ٻين ڏوهن جي حوالي سان بهتر قانونسازي ڪئي وڃي. جمعي ڏينهن پارليامينٽ هائوس جي ٻاهران ميڊيا سان ڳالهائيندي هن چيو ته قومي اسيمبلي جي اسٽينڊنگ ڪميٽي جي ذيلي ڪميٽي عورتن کي ساڙڻ جي حوالي سان ترميمي بل 2014ع جي منظوري ڏني آهي جيڪو خوش آئنده آهي، ان کان پهرين عورتن کي ساڙڻ ۽ ٻين ڏوهن جي حوالي سان بل ۾ سزا ناقابل ضمانت گرفتاري، ڏنڊ ۽ 14 سال قيد هئي پر 65 سيڪڙو عورتن کي انصاف نه ملندو هو، هن وڌيڪ چيو ته عورتن کي ساڙڻ ۽ ٻين ڏوهن جي روڪٿام جي لاءِ جامع ميڪنزم بڻايو ويو آهي، جيڪو اسلام آباد جي لاءِ ماڊل آهي ۽ اميد اهي ته صوبا به ان کي اختيار ڪندا. هن اميد ظاهر ڪئي ته ترميمي بل اپوزيشن سان گڏجي متفقه طور تي منظور ڪرايو ويندو، هن چيو ته هو ان کان اڳ عورتن جي خلاف ڪافي زيادتيون ٿيون آهن پر مسلم ليگ (ن) جي حڪومت عورتن کي تحفظ فراهم ڪرڻ جي سلسلي ۾ ڪافي قدم کنيا آهن، هن چيو ته عورتن جي حقن جي لاءِ ان کان اڳ 6 مختلف بل آندا ويا پر اڄ گهرو معاملن جي ذيلي ڪميٽي عورتن کي ساڙڻ ۽ ٻين ڏوهن جي حوالي سان ترميمي بل 2014ع جي منظوري ڏني آهي جيڪو برسات جو پهريون ڦڙو آهي. اي پي پي/ص – ج/ر – م 16:30