اسلام آباد (پاکستان نیوز پوائنٹ 24نومبر2016ء) ڪيڊ واري مملڪتي وزير ڊاڪٽر طارق فضل چوڌري قومي اسيمبلي کي ٻڌايو آهي ته 2016ع ۾ 2662 غير قانوني ڇپرا ڪيرايا ويا، 5800 ملڪيتن تي ڏنڊ وڌو ويو، وزيراعظم کان اينٽي اينڪروچمينٽ ڊپارٽمينٽ ۾ 400 وڌيڪ ماڻهو مقرر ڪرڻ جي اجازت حاصل ڪئي آهي، خميس ڏينهن قومي اسيمبلي جي اجلاس ۾ آسيه ناز تنولي جي سي ڊي اي جي زمينن تي قبضن بابت ڌيان ڇڪايو نوٽيس جو جواب ڏيندي ڪيڊ واري مملڪتي وزير ڊاڪٽر طارق فضل چوڌري چيو آهي ته 1960ع ۾ سي ڊي اي وجود ۾ آيو ان وقت صدارتي حڪم نامي ذريعي زمينون حاصل ڪيون ويون، هن وقت ضرورت جي وقت جي زمينن جو قبضو ورتو پيو وڃي پر ڪجهه ڳوٺن ۾ قبضو حاصل نه ڪيو ويو، هاڻي انهن ڳوٺن ۾ آبادي وڌي وئي آهي، ڪجهه ماڻهن ٻاهران اچي قبضو ڪيو آهي، اهڙي طرح ٻن طرح جا قبضو ڪندڙ آهن، هن چيو ته سي ڊي اي ۾ اينٽي اينڪروچمينٽ ڊپارٽمينٽ آهي، 2016ع ۾ 2662 اسٽرڪچر ڪرايا ويا، 5800 ملڪيتن تي ڏنڊ وڌو ويو، وزيراعظم کان 400 وڌيڪ ماڻهو ڀرتي ڪرڻ جي اجازت حاصل ڪئي وئي آهي، افرادي قوت وڌائڻ سان صورتحال بهتر ٿي ويندي. اسلام آباد جي بند گهٽين ۾ ماضي ۾ باغ ٺاهڻ جي اجازت ڏني وئي اسان ڪنهن هڪ کي به اجازت ناهي ڏني، انهن ماڻهن خلاف به ڪارروائي ڪئي پئي وڃي.
وزيراعظم کان اينٽي اينڪروچمينٽ ڊپارٽمينٽ ۾ 400 وڌيڪ ماڻهو مقرر ڪرڻ جي اجازت حاصل ڪئي آهي: ڊاڪٽر طارق فضل چوڌري
8 سال پھريان
