اسلام آباد (پاکستان نیوز پوائنٹ 14نومبر2016ء) سينيٽ چيئرمين ميان رضا رباني پاڪستان پيپلزپارٽي جي اڳواڻ جهانگير بدر جي لاڏاڻي تي گهري ڏک ۽ افسوس جو اظهار ڪيو آهي. ميان رضا رباني پيپلزپارٽي جي اڳوڻي سيڪريٽري جنرل جي گهرڀاتين سان تعزيت جو اظهار ڪندي چيو ته جمهوريت لاءِ جهانگير بدر جون خدمتون نه وسرڻ جوڳيون آهن. جهانگير بدر جي خدمتن کي سدائين ياد رکيو ويندو. هن چيو ته پاڪستان پيپلزپارٽي هڪ عظيم اڳواڻ ۽ پاڪستان هڪ بهترين سياستدان کان محروم ٿي ويو. سينيٽ جي ڊپٽي چيئرمين مولانا عبدالغفور حيدري مشهور سياسي اڳواڻ جهانگير بدر جي لاڏاڻي تي تعزيت جو اظهار ڪندي چيو آهي ته مرحوم جي جمهوريت لاءِ خدمتن کي سدائين ياد رکيو ويندو. سينيٽ ۾ قائدايوان راجا محمد ظفر الحق به سينيٽ جي اڳوڻي قائدايوان جهانگير بدر جي لاڏاڻي تي تعزيت جو اظهار ڪندي چيو آهي ته مرحوم جهانگير بدر جمهوري جدوجهد ڪرڻ واري عوامي سياست جو ماهر ۽ قابل قدر سياستدان هو. سينيٽ ۾ مخالف ڌر اڳواڻ اعتزاز احسن جهانگير بدر جي لاڏاڻي تي تعزيت جو اظهار ڪندي پوئينرن سان همدردي جو اظهار ڪندي چيو آهي ملڪ ۾ جمهوريت لاءِ خدمتن ۾ جهانگير بدر جو نالو نمايان مقام رکي ٿو. الله تعاليٰ مرحوم جي درجن کي بلند ۽ پوئينرن کي صبر ۽ جميل عطا فرمائي.
سينيٽ چيئرمين پاران جهانگير بدر جي لاڏاڻي تي ڏک جو اظهار
8 سال پھريان
