اسلام آباد (پاکستان نیوز پوائنٹ 7نومبر2016ء) قومي اسيمبلي جو اسپيڪر سردار اياز صادق سومر ڏينهن 2 ڏينهن جي دوري تي بحرين پهتو جتي بحريني پارليامينٽ جي اسپيڪر احمد بن ابراهيم ال ملا، پاڪستاني سفير جاويد ملڪ ۽ بحرين پارليامينٽ جي سينيئر ميمبرن استقبال ڪيو. ان موقعي تي ڳالهائيندي پاڪستاني سفير جاويد ملڪ چيو ته بحريني اسپيڪر جو ذاتي طور تي ايئرپورٽ تي اچڻ پاڪستان ۽ بحرين جي وچ ۾ مضبوط ۽ پراڻن لاڳاپن جو واضح ثبوت آهي ۽ بحرين جي حڪومت ۽ عوام پاران پاڪستان کي ڏني ويندڙ اهميت جي عڪاسي ڪري ٿو. پاڪستاني سفير جاويد ملڪ چيو ته پاڪستان بحرين ۽ نار ملڪن سان مضبوط ۽ پراڻن لاڳاپن کي وڌيڪ مستحڪم ڪرڻ تي يقين رکي ٿو ۽ ٻنهي ملڪن جي پارليمينٽ ميمبرن جي ملاقات سان پاڪ بحرين لاڳاپن ۾ وڌيڪ سگهه ايندي. قومي اسيمبلي جو اسپيڪر بحريني پارليامينٽ جي اجلاس ۾ شرڪت ۽ وفدن جي سطح تي ڳالهين جي قيادت ڪندو.
ومي اسيمبلي جو اسپيڪر 2 ڏينهن جي دوري تي بحرين پهچي ويو
8 سال پھريان
