فاٽا جي اسيمبلين ۾ نمائندگي ۽ ايف سي آر جي خاتمي جي حوالي سان ڪم ٿي رهيو آهي: عبدالقادر بلوچ

اسلام آباد (پاکستان پوائنٹ نیوز 16 مئی 2018ء) سيفران واري وفاقي وزير جنرل (ر) عبدالقادر بلوچ چيو آهي ته هن وقت فاٽا جي اسيمبلين ۾ نمائندگي ۽ ايف سي آر جي خاتمي جي حوالي سان ڪم ٿي رهيو آهي، رواج ايڪٽ بنيادي طور تي قانون هو اهو هتي غلط انداز ۾ آندو ويو، اهو قانون اڄ به سيفران جي اسٽينڊنگ ڪميٽي وٽ آهي اهو قانون واري وزارت ۾ نه آهي، فاٽا جي انضمام جي حوالي سان هن وقت ڪو بل نه پيو آندو وڃي، اربع ڏينهن قومي اسيمبلي ۾ فاٽا سڌارن جي حوالي سان مولانا فضل الرحمان ۽ ٻين ميمبرن جي نقطن جو جواب ڏيندي وفاقي وزير عبدالقادر بلوچ چيو ته 2018ع جي اليڪشن ۾ فاٽا ۾ صوبائي اسيمبلي يا قومي اسيمبلي جي اليڪشن ۾ ڪا تبديلي نه آڻي رهيا آهيون، 2018ع جي عام چونڊن جي هڪ سال پوءِ هتي بلدياتي چونڊون ٿينديون، اسان پنج سالن کانپوءِ فاٽا جي انضمام جي ڳالهه نه ڪئي هئي پر اهو چيو هو ته پنج سالن جي اندر ڪنداسين، ٽي سال گذري ويا آهن جيستائين فاٽا ۾ مڪمل انفرااسٽرڪچر نٿو بڻجي وڃي اهو عمل شروع نٿو ٿي سگهي، اسان وٽ ان ڪم جي لاءِ 10 ارب روپيا پيل آهن، فاٽا جي 98.5 سيڪڙو بي گهر ماڻهو پنهنجي گهرن ڏانهن واپس وڃي چڪا آهن. 25 لک بي گهر ماڻهن مان صرف هزارن جي تعداد ۾ ماڻهن جي پنهنجي گهرن ڏانهن منتقلي باقي آهي، هن چيو ته اسان فاٽا جي مستقبل جو فيصلو ڪرڻ جي حوالي سان هر ايجنسي ۾ جرڳا ڪيا، مولانا فضل الرحمان 2012ع ۾ جنهن جرڳي جي ڳالهه ڪئي اهو هن پنهنجي پارٽي پليٽ فارم تان ڪيو هو، ان جرڳي جي رپورٽ تي سمورين سياسي پارٽين جون صحيحون موجود آهن، سواءِ جي يو آءِ (ف) جي جي باقي سمورينو پارٽيون فاٽا انضمام جي حق ۾ آهن، فاٽا جي انضمام جو پيڪيج اڃان تائين قائم آهي، ان تي عملدرآمد يقيني بڻايو ويندو، فاٽا جي آبادي جي تناسب سان ٽي سيڪڙو وفاقي اوڳاڙين جو حق بڻجي ٿو، فاٽا تي سئو ارب روپيا هر سال خرچ ٿيندا، هن چيو ته افغانستان سان اسان جي لاڳاپا سٺا آهن، فاٽا سڌارن سان انهن لاڳاپن تي ڪو به فرق نه پوندو، هن چيو ته ريفرنڊم جو سهارو وٺي ايم ڪيو ايم ڳالهه نه ڪري ان سان مسئلا پيدا ٿيندا، ايم ڪيو ايم فاٽا جو سهارو وٺي ڳالهه نه ڪري کلي انداز ۾ ڪري، هن چيو ته اسان ڪنهن قسم جو ڪريڊٽ نٿا وٺڻ چاهيون، ان ۾ ڪو شڪ ناهي ته اسان کي اتحادين جي عزت ڪرڻ گهرجي تنهن هوندي به حڪومت طور اسان اپوزيشن ۽ سياسي قوتن جي راءِ کي رد نٿا ڪري سگهون، اها حڪومت جي مجبوري آهي، هن وقت فاٽا جي اسيمبلين ۾ نمائندگي ۽ ايف سي آر جي خاتمي جي حوالي سان ڪم ٿي رهيو آهي.