بھارت(پاکستان پوائنٹ نیوز26۔جنوری2017ء) بھارتی ریاست آسام وچ 7دھماکے ہوئے۔ تفصیل دے مطابق بھارتی ریاست آسام دے تن ضلعیاںوچ 7دھماکے ہوئے۔ پولیس نے ایہناں دھماکیاں دا الزام ’یونائیٹڈ لبریشن فرنٹ آف آسام‘ اُتے لایا اے۔ تقریبن اِکو ای ویلے مشرقی آسام دے چار علاقیاں وچ ہون والے ایہناں دھماکیاں وچ خش قسمتی نال کوئی وی بندا زخمی نہیں ہویا۔
پولیس افسر نے دسیا کہ ایہناں دھماکیاں وچ کوئی جانی نقصان نہیں ہویا۔ پولیس افسر دا کہنا سی کہ کئی تھاواں اُتے جتھے آبادی نہ ہووے، عسکریت پسند عناصر ایس قسم دے بم سُٹ کے اپنے ہوند دا احساس دواندے رہندے نیں۔ ایتھے ایہ گل وی ذکر جوگ اے کہ عسکریت پسنداں نے شمال مشرقی خطے وچ ’جمہوریت دیہاڑ‘ دیاں تقریباں دا وی بائیکاٹ کیتا ہویا اے۔
