پاکستانی نژاد امریکی وکیل جیہنے اج تیکر اک وی کیس نہیں ہاریا

38ورھیاں دی زینب احمد کون اے ؟پڑھو ایس رپورٹ نوں

پاکستانی نژاد امریکی وکیل جیہنے اج تیکر اک وی کیس نہیں ہاریا
38ورھیاں دی زینب احمد کون اے ؟پڑھو ایس رپورٹ نوں

امریکا(پاکستان پوائنٹ نیوز15۔دسمبر۔2018ء) امریکا وچ بطور وکیل پریکٹس کرن والی پاکستانی نژاد امریکی سوانی وکیل زینب احمد دی کہانی سوشل میڈیا اُتے وائرل ہو رہی اے جیہنے اج تیکر اپنی زندگی دا اک مقدمہ وی نہیں ہاریا۔ زینب احمد امریکا سنے جدوں وی کسے ملک وچ پیر رکھدیاں نیں تے اوتھے دی انتظامیہ تیکر ہل جاندی اے۔ مشہور امریکی پراسیکیوٹر رابرٹ میلز، جیہناں کول آپ وکیلاں دی اک پوری آرمی اے، وی زینب احمد دے چاہیوان نیں۔

اک وار اک پرچا کار نے اوہناں کولوں پُچھیا کہ تُسیں دنیا دے جانے پچھانے تے بہت قابل وکیل او کیہ کوئی تہاڈے توں وی زیادہ وکالت وچ ہوشیاری تے تجربہ رکھدا اے؟جیہدے جواب وچ رابرٹ نے آکھیا کہ ہاں اک پاکستانی کُڑی اے جو اپنی زندگی دا کوئی کیس نہیں ہاری میں اوہنوں اپنی انویسٹی گیشن ٹیم دا حصہ بنانا چاہنا واں۔زینب احمد پاکستانی شہری اے۔ اوہناں کول امریکی شہریت اے۔

اوہناں دی عمر 38سال اے تے اج تیکر اوہناں نے اک کیس وی نہیں ہاریا۔ زینب احمد سبربن لانگ آئیلینڈ نیویارک وچ پلیاں نیں۔ زینب احمد دا آکھنا اے کہ میں ہسپتال دی منتظم دے طور اُتے کم کرنا چاہندی ساں پر میری قسمت نوں کُجھ ہور ای منظوری سی۔9/11حملے مگروں زینب دی زندگی وچ تبدیلی آئی تے اوہناں نے نیویارک دے کولمبیا لاء سکول وچ مکمل سکالر شپ اُتے داخلا لیا۔

اوہناں دی عمر بہت گھٹ ای سی جدوں اوہناں دے ماں پیو وچکار علیحدگی ہو گئی۔ جیہدے مگروں اوہ اپنی سوتیلی ماں تے دو بھراواں نال رہندیاں سن۔ زینب احمد دا ویاہ وی ہویا پر اوہ بُہتا چِر نہ چل سکیا۔ زینب نے امریکا، روس، جاپان، ترکی، ملائیشیا، برطانیہ، سعودیہ،ہالینڈ تے ہور کئی ملکاں وچ کئی قسم دے کیس لڑے تے سارے کیس کامیابی نال جِتے۔