ترک خاتون اول نے بھارتی وزیر اعظم دی بے عزت کر دتی، ویڈیو وائرل

ترک خاتون اول نے بھارتی وزیر اعظم دی بے عزت کر دتی، ویڈیو وائرل

بیونس آئرس(پاکستان پوائنٹ نیوز06۔دسمبر۔2018ء) ترک خاتون اول نے بھارتی وزیر اعظم دی بے عزت کر دتی، مودی دے مونہ اُتے ڈاڈھی شرمندگی دے اُبھردے ہوئے تاثرا ت دی ویڈیو وائرل ہو گئی۔ غیر ملکی خبر رساں ادارے دے مطابق ارجنٹائن وچ 30نومبر نوں 2دناں لئی دنیا دیاں 20وڈیاں معاشی طاقتاں دی تنظیم جی 20دا اجلاس ہویا۔ اجلاس وچ بھارتی وزیر اعظم نریندر مودی، امریکی صدر ڈونلڈ ٹرمپ تے ترک صدر رجب طیب اردوان سنے 20ملکاں دے سربراہواں نے رلت کیتی۔

ترک صدر اپنی بیوی ایمن اردوان نال اجلاس وچ رلتی ہوئے۔ فوٹوسیشن دوران ترک خاتون اول تے بھارتی وزیر اعظم نریندر مودی دی اک ویڈیو وائرل ہوگئی۔ویڈیو وچ ویکھیا جا سکدا اے کہ اجلاس دوران فوٹو سیشن لئی بھارتی وزیر اعظم نریندر مودی ترک خاتون اول ایمن اردوان نال کھلوتے نیں پر جیویں ای بھارتی وزیراعظم نے ایمن اردوان ول ویکھیا تے ترک خاتون اول نے چھیتی نال دوجے پاسے مونہ موڑ کے مودی نوں نظر انداز کیتا۔ ترک خاتون اول ولوں اپنی بے عزتی کیتے جان اُتے مودی دا مونہ ویکھن والا سی۔ تے ایہ منظر کیمرے دی اکھ کولوں وی نہ بچ سکیا۔