سعودی عرب وچ اک ہور پاکستانی دا سر لاہ دتا گیا

سعودی عرب وچ اک ہور پاکستانی دا سر لاہ دتا گیا

جدہ(پاکستان پوائنٹ نیوز11۔دسمبر۔2018ء) سعودی عرب وچ اک ہور پاکستانی دا سر لاہ دتا گیا۔ سعودی وزارت داخلا دے اعلامیے مطابق جدہ ائر پورٹ اُتے نشہ سمگل کرن دی کوشش دوران گرفتار ہون والے پاکستانی سمگلر شاہد اقبال دا عدالتی حکم دے مطابق سِر لاہ دتا گیا اے۔حکام دے مطابق شاہد اقبال نے اپنے ڈھڈ وچ ہیروئن لُکا کے سعودی عرب سمگل کرن دی کوشش کیتی سی پر ائر پورٹ حکام نے شک پین اُتے اوہنوں گرفتار کر لیا سی۔ عدالت ولوں شاہد اقبال نوں موت دی سزا دا حکم دتا گیاسی، جیہدے اُتے پچھلے دیہاڑے عمل کردے ہوئے اوہدا سِر لا دتا گیا۔ یاد رہوے کہ ایس توں پہلاں نومبر وچ پاکستانی شہری شاکر اللہ ولد رحمان اللہ نوں وی ایسے ای جرم وچ ایہو ای سزا دتی گئی سی۔