1947وچ کرتارپور پاکستان نوں دے کے بہت وڈی غلطی کیتی:مودی نے نواں شوشہ چھڈ دتا

1947وچ کرتارپور پاکستان نوں دے کے بہت وڈی غلطی کیتی:مودی نے نواں شوشہ چھڈ دتا

نویں دِلی(پاکستان پوائنٹ نیوز04۔دسمبر۔2018ء) بھارتی وزیر اعظم نریندری مودی نے نواں شوشہ چھڈ دے ہوئے آکھیا اے کہ 1947وچ کرتارپور پاکستان نوں دے کے بہت وڈی غلطی کیتی، کرتارپور پاکستان نوں دینا ای نہیں چاہیدا سی۔تفصیل دے مطابق وزیراعظم عمران خان نے 28اکتوبر نوں کرتارپور راہداری دا نینہ پتھر(سنگ بنیاد) رکھیا۔ایس موقعے اُتے وز یراعظم عمران خان تے چیف آف آرمی سٹاف جنرل قمر جاوید باجوہ کرتارپور اپڑے،جتھے اک خوبصورت تقریب دا آہر وی کیتا گیا سی۔

تقریب وچ وزیر خارجا شاہ محمود قریشی، وزیر اعلا پنجاب عثمان بزدار وی موجود سن۔تقریب وچ بھارتی سرکاری وفدتے وزیر اعظم دے بیلی سدھو وی موجود سن۔پر پاکستان ولوں راہداری کھولن دے اعلان مگروں بھارت نے ایہدے اُتے سیاست کرنی شروع کر دتی اے۔ ایس حوالے نال بھارتی وزیر اعظم نریندری مودی نے نواں شوشہ چھڈ دے ہوئے آکھیا اے کہ 1947وچ کرتارپور پاکستان نوں دے کے بہت وڈی غلطی کیتی۔کرتارپور پاکستان نوں دینا ای نہیں چاہیدا سی۔اوہناں نے کانگریس نوں تنقید دا نشانہ بناندے ہوئے آکھیا کہ 70سال توں کانگریس نوں کرتارپور کیوں یاد نہیں آیا۔ 70سال توں کانگریس نے کرتارپور بارے کُجھ نہیں سوچیا۔