امریکا:7درجے دی شدت دے زلزلے مگروں سونامی دی وارننگ جاری

امریکا:7درجے دی شدت دے زلزلے مگروں سونامی دی وارننگ جاری

لاس اینجلس(پاکستان پوائنٹ نیوز01۔دسمبر۔2018ء) امریکی ریاست الاسکا دے شہر اینکوریج وچ 7درجے دی شدت دے زلزلے مگروں سونامی دی وارننگ جاری کر دتی گئی اے جدکہ شدید زلزلے نال کئی مکان تے کاروباری مرکز وی تباہ ہو گئے نیں۔ امریکی ریکٹر سکیل اُتے زلزلے دی شدت7درجے تے اوہدا مرکز اینکوریج شہر دے شمال وچ 8کلو میٹر دے فاصلے اُتے سی جدکہ مقامی ویلے دے مطابق ایہ زلزلا سویرے 8وج کے 29منٹ اُتے آیا۔ مڈھلی اطلاع دے مطابق زلزلے پاروں کئی مکاناں تے دُکاناں وچ دراڑاں پے گئیاں نیں۔