پاکستان امریکا ولوں ویزا پابندی دا ساہمنا کرن والے ملکاں دی لسٹ وچ شامل نہیں اے

ویزے اُتے پابندی کُجھ اسلامی ملکاں اُتے لائی گئی اے، سارے عالم اسلام اُتے نہیں: ڈونلڈ ٹرمپ دا انٹرویو دوران بیان

پاکستان امریکا ولوں ویزا پابندی دا ساہمنا کرن والے ملکاں دی لسٹ وچ شامل نہیں اے
ویزے اُتے پابندی کُجھ اسلامی ملکاں اُتے لائی گئی اے، سارے عالم اسلام اُتے نہیں: ڈونلڈ ٹرمپ دا انٹرویو دوران بیان

امریکا(پاکستان پوائنٹ نیوز27۔جنوری2017ء) پاکستان امریکا ولوں ویزا پابندی دا ساہمنا کرن والے ملک دی لسٹ وچ نہیں اے۔ تفصیل دے مطا بق ڈونلڈ ٹرمپ دے صدر دے طور اُتے پہلے انٹرویو وچ ڈونلڈ ٹرمپ نے آکھیا کہ افغانستان ، پاکستان تے سعودی عرب دے شہریاں نوں امریکا لئی ویزا پابندی دا ساہمنا نہیں کرنا پئے گا پر شہریاں دیاں درخاستاں اُتے نظر ثانی کیتی جائے گی۔

اے بی سی نیوز اُتے انٹرویو دیندے ہوئے اک سوال دے جواب وچ ڈونلڈ ٹرمپ نے آکھیا کہ تُسیں سارے ویکھو گے، اسیں ایہناں ملکاں توں آن والے شہریاں دیاں درخاستاں اُتے حد درجہ نظرثانی کراں گے تے کسے وی ایسے امیدوار نوں امریکا آن دی اجازت نہیں دِتی جائے گی جہدے وچ سانوں رَتی برابر مسئلے پیدا ہون دا خدشا دِسے۔ ڈونلڈ ٹرمپ نے آکھیا کہ اسیں کئی ملکاں اُتے پابندی لا رہے آں جدکہ ہور ملکاں توں آن والیاں ویزا درخاستاں دی ڈاڈھی طرحاں پُن چھان کیتی جائے گی۔ اوہناں نے آکھیا کہ ایس سارے پراسیس مگروں امریکا وچ آنا جو کدی آسان سی بہت مشکل ہو جائے گا۔ اوہناں نے ہور آکھیا کہ سانوں سین برناڈیو تے نائن الیون ورگے دُکھانت ہون مگروں نصیحت پھڑنی چاہیدی۔