اپنے آپ نوں مسلمان ظاہر کر کے مسلم کُڑیاں نال ویاہ کرن والا گروہ بے نقاب

ویاہ مگروں اپنے آپ نوں مسلمان ظاہر کرن والے جدوں اسلامی تعلیمات دے مطابق نماز نہ پڑھ سکے تے اوہناں اُتے شک ہونا شروع ہویا:بھارتی میڈیا

اپنے آپ نوں مسلمان ظاہر کر کے مسلم کُڑیاں نال ویاہ کرن والا گروہ بے نقاب
ویاہ مگروں اپنے آپ نوں مسلمان ظاہر کرن والے جدوں اسلامی تعلیمات دے مطابق نماز نہ پڑھ سکے تے اوہناں اُتے شک ہونا شروع ہویا:بھارتی میڈیا

بھارت(پاکستان پوائنٹ نیوز04۔دسمبر۔2018ء) اپنے آپ نوں مسلمان ظاہر کر کے مسلم کُڑیاں نال ویاہ کرن والا گروہ بے نقاب ہویا اے۔ تفصیل دے مطابق بھارتی شہر کشن نگر وچ اپنے آپ نوں مسلمان ظاہر کر کے غریب مسلمان کُڑیاں نال ویاہ کرن والے گروہ دا بھانڈا بھج گیا اے۔ ویاہ مگروں اپنے آپ نوں مسلمان ظاہر کرن والے جدوں اسلامی تعلیمات دے مطابق نماز نہ پڑھ سکے تے اوہناں اُتے شک ہونا شروع ہویا۔

بھارتی میڈیا رپورٹ دے مطابق کُجھ لوکاں اُتے مشتمل اک گروہ راجھستان توں آیا تے کبیر آستن تھانہ گاؤں وچ ایہ اک بندے دے گھر رہیا۔ جیہڑے بندے نے ایس گروہ نوں رہن دی تھاں دتی اوسے نے ویاہ دا بندوبست کیتا۔ ویاہ مگروں جدوں سارے لاڑے وڈیاں دیاں دعاواں لین لئی اگانہ ودھے تے اوہناں نے ہندو روایت دے مطابق سارے وڈیاں دے پیراں نوں ہتھ لایا، جیہدے اُتے موقعے اُتے موجود لوک حیران رہ گئے۔

بعدوں جدوں لاڑے نماز پڑھن لئی مسجد گئے تے اوتھے وی اسلامی تعلیمات دے مطابق نماز نہ پڑھ سکے۔ جیہدے اُتے مقامی لوکاں نوں شک ہویا۔ اوہناں نے اک اجلاس سدیا، جیہدے وچ مسلمان کُڑیاں نال ویاہ کرن والے نوجواناں بارے تفتیش کرن دا فیصلا کیتا گیا۔ تفتیش دوران کُجھ مُنڈیاں نے غیر مسلم ہون دا اعتراف کیتا۔اوہناں دا آکھنا سی کہ اوہ ہندو مذہب توں تعلق رکھدے نیں ،جیہدے اُتے مقامی بندیاں نے اوہناں نوں بیویاں دے بغیر واپس گھل دتا۔