ریاض(پاکستان پوائنٹ نیوز06۔جنوری2017ء) سعودی عرب نے 6ملکاں توں آن والیاں پولٹری وستاں اُتے پابندی لا دتی۔ تفصیل دے مطابق برڈ فلو دی وباءپُھٹن دے بعد سعودی حکومت نے برڈ فلو توں متاثرا یورپی تے ایشیائی ملکاں توں آن والیاں پولٹری وستاں اُتے پابندی لا دِتی اے۔ سعودی فوڈ اینڈ ڈرگ اتھارٹی نے وی جنوراں دی صحت دے عالمی ادارے ولوں برڈ فلو دی خبر دین دے بعد متاثرا ملکاں توں پولٹری وستاں دی درآمد اُتے پابندی دی تصدیق کر دِتی اے۔
حکام دے مطابق جہناں وچ ملکاں وچ تھرمل پراسیس دے بعد برڈ فلو توں پاک ہون دی تصدیق کیتی گئی اے اوہناں صوبیاں تے ملکاں توں پولٹری وستاں دی درآمد اُتے پابندی نہیں لائی گئی۔ پولٹری نوں حرارت دے کے وی برڈ فلو توں پاک کیتا جاندا اے۔ جہڑے ملکاں دیاں پولٹری وستاں اُتے عارضی پابندی لائی گئی اے اوہناں وچ بھارت وی شامل اے۔ بھارتی سفارتخانے وچ موجود اک افسر دا کہنا سی کہ ایس طرحاں دیاں پابندیاں عارضی ہوندیاں نیں جیویں ای حالات ٹھیک ہوندے نیں ایس پابندی نوں چُک لیا جائے گا۔
