لندن(پاکستان پوائنٹ نیوز06۔جنوری2017ء) مسلم لیگ برطانیا دے صدر تے وفاقی کمشنر فار اوورسیز پاکستانی زبیر گل اُتے لندن وچ اوہناں دے گھر دے باہر دو بندیاں نے سوانی دی مدد نال قاتلانا حملا کیتا، حملے دے نتیجے وچ زبیر گل زخمی ہو گئے۔تفصیل دے مطابق مسلم لیگ (ن) یو کے دے صدر تے فیڈرل کمشنر فار اوورسیز پاکستان زبیر گل دے گھر نامعلوم بندیاں نے حملا کر دِتا، حملے دے نتیجے وچ زبیر گل زخمی ہوگئے جہدے بعد اوہناں نوں ہسپتال منتقل کر دِتا گیا اے۔
سی سی ٹی وی فوٹیج وچ ویکھیا جا سکدا اے کہ سکارف پائے سوانی نے بوہا کھڑکایا، زبیر گل نے بوہا کھولیا تے ایس دوران بوہے پِچھے لُکے دو نوجواناں نے گھر اندر وڑ کے اوہناں اُتے حملا کر دِتا۔ زبیر گل دا کہنا اے کہ سی سی ٹی وی فوٹیج راہیں پولیس نے انکوائری شروع کر دِتی اے۔ سارے معاملات پچھے جو ہتھ ملوث نیں اوہناں دا پتا، اوہناں بارے ویلا آن اُتے دَساں گا۔
