ریاض: سعودی حکومت نے سارے ملکاں لئی حج کوٹے اُتے پابندی ختم کر دِتی

ریاض: سعودی حکومت نے سارے ملکاں لئی حج کوٹے اُتے پابندی ختم کر دِتی

ریاض(پاکستان پوائنٹ نیوز07۔جنوری2017ء) سعودی عرب دے فرمانروا شاہ سلمان بن عبدالعزیز نے آن والے حج سیزن دوران حج کوٹے وچ 5ورھے پہلے کیتی گئی کمی ختم کر دِتی۔ سعودی میڈیا دے مطابق سعودی عرب دے وزیر حج تے عمرہ ڈاکٹر محمد بن صالح بن طاہر بنتن نے ایس خبر دی تصدیق کر دِتی اے جدکہ شاہ سلمان، ولی عہد شہزادہ محمد بن نایف تے نائب ولی عہد شہزادہ محمد بن سلمان ولوں حاجیاں دی گنتی ودھان اُتے شاہ سلمان بن عبدالعزیز دا شکریا وی ادا کیتا۔ ولی عہد نائب وزیر اعظم تے وزیر داخلا شہزادہ محمد بن نایف نے ایس گل اُتے زور دِتا کہ عازمین حج دی گنتی آہستہ آہستہ ودھائی جائے گی۔ اوہناں نے ہور آکھیا کہ مکہ مکرمہ وچ ہور حاجیاں دے رہن تے ویکھ بھال لئی وادھو انتظامات کیتے جان گے۔