ریاض(پاکستان پوائنٹ نیوز14۔دسمبر2016ء) سعودی عرب وچ 32جاسویاں اُتے مشتمل سیل نے ایران نوں 124انٹیلی جنس رپورٹاں دِتیاں سن، ایہناں رپورٹاں وچ سعودی عرب دیاں اہم فوجی تھاواں بارے وی تفصیلی معلومات دے نال نال سکیورٹی دیٹا سی۔ غیر ملکی خبر رساں ادارے دے مطابق سعودی عدالت دے اک وسیلے نے دسیا کہ سعودی دارلحکومت الریاض وچ اک فوجداری عدالت نے پچھلے ہفتے ایس کیس وچ 15بندیاں نوں مجرم قرار دیندے ہوئے موت دی سزا سُنائی۔
ایہناں وچ اک سعودی تے اک افغان شہری وی شامل سی، ایس جاسوسی سیل نوں سعودی سکیورٹی فورسز تے انٹیلی جنس نے 2014تے 2015دے شروع وچ بے نقاب کیتا سی۔ عدالتی وسیلیاں دے مطابق ایہناں بندیاں نے ایرانی انٹیلی جنس نوں خفیہ رپورٹاں دِتیاں سن۔ ایہ بندے الریاض وچ ایرانی سفارت خانے، جدہ وچ قونصل خانے تے اسلامی تعاون تنظیم (او آئی سی) وچ ایرانی مشن وچ سفارت کار دے روپ وچ کم کر رہے سن۔
حکام دے مطابق ایہ بندے ای میلز دے ذریعے وی خفیہ معلومات ایرانی انٹیلی جنس نوں گھلدے سن، ایہناں ایرانی خفیہ اداریاں دے عناصر ای خفیہ پیغام رسائی دی تربیت دِتی سی۔ وسیلیاں دے مطابق ایس سیل دے ارکان نے سعودی عرب تے اوہدے باہر ایرانی خفیہ اداریاں دے 24عناصر نال ملاقاتاں کیتیاں سن۔ ایس جاسوسی سیل دے ارکان دے تہران وچ انٹیلی جنس بیورو دے ڈائریکٹر، او آئی سی وچ ایرانی مشن دے فرسٹ سیکرٹری تے سپریم لیڈر آیت اللہ علی خامنہ ای دے دفتر دے ڈائریکٹر براہ راست رابطے وچ سن۔
ایس سیل وچ شامل 7سعودی فوجی اہلکار ایرانی انٹیلی جنس دے نوں حساس تھاو اں، جنگی جہازاں، فوجی ہوئی اڈیاں تے خفیہ فوجی تصویراں تے ہور ڈیٹا دیندے سن۔ وسیلیاں دا کہنا اے کہ ایہ فوجی جاسوس سعودی تنصیبات دیاں تصویراں بنان لئی نِکے کیمرے ورتدے سن تے اوہناں نوں تہران گھلیا کردے سن۔ وسیلیاں نے ایہ وی انکشاف کیتا اے کہ الریاض وچ شاہ فیصل ہسپتال وچ تعینات اک میڈیکل کنسلٹینٹ تہران نوں مرحوم شاہ عبداللہ عہد شہزادا نایف بن عبدالعزیز دی صحت بارے ڈاکٹری رپورٹاں گھلدے سن۔
