آئی ایس آئی چیف دی تبدیلی، بھارتی میڈیا دی ڈاڈھی دلچسپی

نویں دِلی(پاکستان پوائنٹ نیوز13۔دسمبر2016ء) آئی ایس آئی دے نویں سربراہ دی تقرری اُتے بھارتی میڈیا دی ڈاڈھی دلچسپی نظر آئی تے ایس خبر نوں ٹی وی چینلاں تے اخباراں نے ڈاڈھی اہمیت دِتی۔ بھارتی میڈیا دے مطابق پاکستانی فوج وچ ہون والی کسے وی وڈی تبدیلی اُتے ڈاڈھی دلچسپی رہندی اے۔ اخبار دے مطابق جنرل باجوہ نے آئی ایس آئی دے سربراہ نوں اچانک ہٹا کے ایس عہدے دی ذمے واری لیفٹیننٹ جنرل نوید مختار دے سپرد کیتی اے۔ بھارتی اخبار دا کہنا سی کہ پاکستان نے جنرل مختار نوں آئی ایس آئی دا نواں سربراہ بنایا اے جو پہلے انسداد دہشت گردی ونگ دے چیف سن۔ اخبار دے مطابق کراچی وچ جس آپریشن دے بعد سکیورٹی دے حالات بہتر ہوئے سن اوسے دی سربراہی جنرل مختار نے ای کیتی سی۔