امریکا وڈے حادثے توں بچ گیا

نیویارک(پاکستان پوائنٹ نیوز24۔اکتوبر۔2018ء) سابق امریکی صدر بل کلنٹن دے گھر نوں بم نال اُڈان دا منصوبہ ناکام ہوگیا۔ تفصیل مطابق امریکا وڈے حادثے توں وال وال بچ گیا۔ امریکا وچ دہشت گردی دا اک خطرناک واقعہ اوس ویلے ہوندے ہوندے رہ گیا،جس ویلے سابق امریکی صدر بل کلنٹن تے اوہناں دی گھر والی ہیلری کلنٹن دے گھروں بم برآمد ہویا۔ ایس حوالے نال عینی شاہداں دا آکھنا سی کہ سابق امریکی صدر دے گھروں مشتبہ پیکٹ ملیا تے پولیس نوں اطلاع دتی گئی، جیہدے اُتے پولیس تے تحقیقاتی ٹیماں حادثے والی تھاں اپڑیاں۔ پُن چھان کرن مگروں پتا لگا کہ ایہ معمولی پیکٹ نہیں بلکہ ایہدے وچ بم سی۔ متعلقہ حکام نے بم نوں قبضے وچ لے کے امریکی صدر دے گھر نوں کلیئر قرار دے دتا اے۔