نویں دِلی(پاکستان پوائنٹ نیوز24۔اکتوبر۔2018ء) بھارتی ریاست اتراکھنڈ وچ 65ورھیاں دے بابے نے حلالہ دے ناں اُتے ملن والی اپنی عمر توں ادھی عمر دی سوانی نوں طلاق دین توں انکار کر دتا۔ میڈیا رپورٹ مطابق 65ورھیاں دے بابے نال ویاہ کرن والی سوانی نوں 2013وچ طلاق ہوئی سی پر ہن اوہ اپنے پہلے شوہر ول جانا چاہندی سی، جیہدی وجہ توں اوہنے وڈیری عمر دے بابے نال حلالہ لئی مشروط نکاح کیتا۔
پر بابے نے پہلے ایس گل دی یقین دہانی کروائی سی کہ اوہ حلالہ کردے ای سوانی نوں طلاق دے دیوے گاپر اوہنے ہن بیوی نوں طلاق دین توں انکا رکر دتا اے۔ رپورٹ مطابق بار بار منتاں کرن مگروں وی بابے ولوں طلاق نہ دتے جان دے بعد متاثرہ سوانی نے اقلیتی امور دے یونین وزیر مختار عباسی دی بھین فرحت نقوی توں اپیل کیتی اے کہ اوہ اپنے بھرا نوں ایس معاملے اُتے نوٹس لین دا آکھے۔
