بیجنگ(پاکستان پوائنٹ نیوز27۔اکتوبر۔2018ء) سائنسداناں نے خبردار کیتا اے کہ زمین شدید بارشاں تے سیلاباں دے دور وچ داخل ہو گئی اے۔ ماہرین دا آکھنا اے کہ زمین دے درجہ حرارت وچ وادھے نال گلیشیئر پگھل رہے نیں، جیہدی وجہ توں زمین اُتے پانی دے بہاؤ وچ وادھا ہو رہیا اے۔ ایہدے نال نال بارشاں وی بہت ہو رہیاں نیں۔چین دی ودھان یونیورسٹی دے پروفیسر جیالوبین دا آکھنا اے کہ اسیں زمین اُتے بارشاں تے سیلاب وچ وادھے دی وجہ معلوم کر لئی اے۔
زمین تے ایس دے باشندے شدید بارشاں تے سیلاب دے دور وچ داخل ہو گئے نیں۔ آن والے ویلے وچ بارشاں تے سیلاباں وچ وادھا ہوئے گا۔ ایس لئی زمین اُتے رہن والیاں نوں بارشاں تے سیلاب توں بچان لئی حفاظتی انتظامات کر لینے چاہیدے۔ ماہرین دا آکھنا اے کہ موسمیاتی تبدیلیاں دے نتیجے درجہ حرارت اندر وادھے دی صورت وچ ساڈے ساہمنے آرہے نیں۔ موسمی تبدیلیاں وچ سردیاں تے گرمیاں دے موسم وچ سردی تے گرمی دا بدل جانا وی شامل اے۔
