لندن:بیگم کلثوم نواز دی ریجنٹ پارک مسجد وچ نماز جنازہ پڑھی گئی

لندن(پاکستان پوائنٹ نیوز13۔ستمبر۔2018ء) مسلم لیگ (ن) دے قائد و سابق وزیر اعظم نواز شریف دی گھر والی سابق خاتون اول بیگم کلثوم نواز دی ریجنٹ پارک مسجد وچ نماز جنازہ پڑھی گئی اے۔ کلثوم نواز دی نماز جنازہ امام شیخ خلیفہ عزت نے پڑھائی۔ بیگم کلثوم نواز دے جنازے وچ پُتراں سنے پاکستانی کمیونٹی نے وڈی گنتی وچ رلتی کیتی۔ ایس توں وکھ نماز جنازہ وچ اسحاق ڈار، شہباز شریف، چودھری نثار علی خان، چودھری عبدالمجید سنے پاکستانی کمیونٹی نے وڈی گنتی وچ رلت کیتی۔جیہدے مگروں ہن بیگم کلثوم نواز دی میت کل سویرے 6وجے لاہور ائر پورٹ اپڑے گی ۔جیہدے بعد اوہناں دی نماز جنازہ جاتی امراء وچ شریف میڈیکل سٹی دے گراؤنڈ وچ پڑھی جائے گی۔