اُترپردیش(پاکستان پوائنٹ نیوز10۔ستمبر۔2018ء) کُڑی نے بے وفا عاشق نوں اوہدے ویاہ وچ ای سبق سکھا دتا۔ بھارتی ریاست اُتر پردیش وچ اک کُڑی نے لاڑے دی کنپٹی اُتے پستول رکھ کے اوہنوں ویاہ دی تقریب وچوں اغوا کر لیا۔ میڈیا رپورٹس وچ دسیا گیا اے کہ اُتر پردیش وچ کُڑی نے اپنے عاشق نوں اوہدے ویاہ وچ ای سبق سکھادتا۔ رپورٹس مطابق جدوں کُڑی نوں پتا لگا کہ اوہدے نال ویاہ دا دعوا کرن والا مُنڈا کسے ہور نال ویاہ کر رہیا اے تے اوہنے ویاہ دی تقریب وچ جا کے لاڑے دی کنپٹی اُتے پستول رکھ کے اوہنوں ویاہ دی تقریب وچوں اغوا کر لیا۔
رپورٹس وچ ہور دسیا گیا اے کہ پنڈ مودھنا وچ ویاہ دی تقریب ختم ہون والی سی کہ اک گڈی آکے رُکی جیہدے وچوں پستول لہراندی ہوئی کُڑی باہر نکلی۔اوس کُڑی نے تقریب وچ جا کے لاڑے دی کنپٹی اُتے پستول رکھیا تے اوہنوں اغوا کر کے لے گئی۔پولیس نے دسیا کہ ایس گل دا امکان اے کہ اغوا کار کُڑی دا اشوک نامی لاڑے نال محبت دا کوئی چکر ہوئے تے اشوک کسے دوجی کُڑی نال ویاہ کر رہیا سی ایس لئی کُڑی نے اوہنوں اغوا کر لیا۔ پولیس اشوک دی بھال کر رہی اے۔
