لندن(پاکستان پوائنٹ نیوز19۔مئی2018ء ) شہزادی لیڈی ڈیانا دا پُتر ہیری تے امریکی اداکارہ میگھن اک دوجے دے ہو گئے۔ برطانوی شاہی خاندان وچ اک ہور ویاہ ہو گیا۔ برطانوی شہزادے ہیری تے میگھن دا ویاہ اج ونڈسر کاسل وچ ہویا۔شاہی جوڑے دے ویاہ وچ 600توں ودھ پروہنیاں نوں سدیا گیا اے۔ شاہی خاندان دی ایس تقریب وچ کسے وی سیاسی بندے نوں نہیں سدیا گیا۔ شاہی جوڑے دے ویاہ وچ کئی مشہور شخصیتاں نے رلت کیتی۔
بھارتی اداکارہ پرینگا چوپڑا نے وی برطانوی شہزادے دے ویاہ دی تقریب وچ رلت کیتی اے۔جدکہ میگھن دے والد بیماری پاروں دھی دے ویاہ وچ رلتی نہیں ہوئے۔ ایس لئی امریکی اداکارہ میگھن اپنی ماں نال ونڈسرکاسل اپڑیاں۔ ایس موقعے تے سکیورٹی دے وی سخت انتظامات کیتے گئے نیں۔ شہزادہ ہیری اپنے بھرا نال ونڈو سرکاسل اپڑیا۔ شہزادے ہیری نے اپنے ویاہ تے فوجی وردی پائی ہوئی سی جدکہ اوہناں دا بھرا شہزادہ ولیم وی فوجی وردی پائے اوہدے نال آیا۔
شہزادے ہیری تے امریکی اداکارہ میگھن مارکل دا ویاہ سینیٹ چارج چر وچ ہویا۔ شہزادے ہیری دے چرچ آن اُتے برٹس رائل میوزک وجایا گیا۔پروہنیاں نے ایس موقعے تے شہزادے ہیری دا چرچ آن اُتے استقبال کیتا۔ دوجے پاسے اداکارہ میگھن نے چِٹے رنگ دا سوٹ پایا ہویا سی۔ لاڑی (دلہن)میگھن دے والد ویاہ وچ نہ آئے جیہدی وجہ توں شہزادے چارلس نال اوہ چرچ آئیاں۔
