متحدہ عرب امارات(پاکستان پوائنٹ نیوز21۔مئی2018ء ) چیف آف آرمی سٹاف جنرل قمر جاوید باجوہ متحدہ عرب امارات اپڑے جتھے اوہناں نے ابوظہبی دے ولی عہد تے متحدہ عرب امارات دی فوج دے ڈپٹی سپریم کمانڈر شیخ بن محمد زاید النہیان نال ملاقات کیتی۔ ملاقات دوران متحدہ عرب امارات تے پاکستان وچکار دفاعی شعبے اندر تعاون ودھان بارے غور کیتا گیا۔ ملاقات صدارتی محل وچ ہوئی جتھے دوویں رہنماواں وچکار تعلقات نوں ودھوتری دین تے علاقائی و بین الاقوامی معاملات بارے وچار وٹاندرا کیتا گیا۔
ملاقات دوران شیخ محمد تے آرمی چیف جنرل قمر جاوید باجوہ نے اک دوجے نوں روزیاں دے مہینے دی مبارکباد دیندے ہوئے دوویں ملکاں دی سلامتی لئی دعا وی کیتی۔ ایس ملاقات وچ اوہناں نال متحدہ عرب امارات فوج دے چیف آف سٹاف لیفٹیننٹ جنرل حماد محمد ثانی تے نیشنل سکیورٹی دی سپریم کونسل دے ڈپٹی سیکرٹری جنرل علی بن حماد الشمسی وی موجود سن۔
